15.The Rock

  1. Alif lām rā’ (surah) nian ialah (sabagian dari) ayat-ayat Kitab (nang sampurana) iakoa (ayat-ayat) Al-Quran nang mare’ panjalasan
  2. Urakng kapir koa kadang-kadang (nae ka’ naherat) ngingintatn, sakiranya iaka’koa de’e (ka’ dunia) manjaji urakng muslim
  3. Ka’ atinyalah iaka’koa (ka’dunia) makatn man basanang-sanang man dilaleatn oleh angan-angan (kosong) nya ka’koa, nae iaka’ koa mao’ ngatahui’ (akibat parbuatatnnya)
  4. Man Kami nana’ minasaatn suatu nagari, melaintam udah ada katantuan nang dinatapatn nto’nya
  5. Nana’ ada suatu umat pun nang dapat mandolo’i’ ajalnya, man nana’ (uga’) dapat minta panundaan-(nya)
  6. Man iaka’koa bakata, ”wahe urakng nang ka’ia dinuruntatn Al-Quran, sabatolnya kao (Muhammad) banar-banar urakng gila
  7. Ngahe kao nana’ ngatangkngkatn mala’ekat ka’ kami, kade’ kao tamasok urakng nang banar?”
  8. Kami nana’ nuruntatn mala’ekat melaintatn mang kabanaratn (nto’ ngincakng siksaatn) man iaka’koa waktu koa nana’ dibare’ panangguhan
  9. Sabatolnya Kamilah nang nuruntatn Al- Quran, man pasti Kami (uga’) nang miharanya. 431 15. AL-¦
  10. Man sungguh, Kami udah ngutusatn (sangae heurakng rasul) sanape’ kao (Muhammad) ka’ umat-umat nang de’e
  11. Man satiap rasul atakng ka’iaka’koa, iaka’koa solalu ngolo’-ngolo’i’nya
  12. Ampakoalah,Kami masokatn pengolo’atnnya koa ka’ dalapm ati urakng nang badosa
  13. Iaka’koa nana’ baiman ka’Ia (Al-Quran) padahal udah balalu sunnatullah. 432 ka’ urakng-urakng nang de’e
  14. Man kade’ Kami di buka’atn ka’ iaka’koa salah sote’ pintu langit, lalu iaka’koa naik ka’ atasnya
  15. Tantu iaka’koa bakata, ”sabatolnya panele’atn kamilah nang di kaburatn, bahkan kami nainlah nang takana’ seher. ”
  16. Man sungguh, Kami udah nyiptaatn gugusan bintakng ka’ langit man nyajiatnnya tarasa gagas ka’ urakng nang nele’(nya)
  17. Man Kami nyagai’nya dari satiap (gangguan) setan nang takutuk
  18. kacoali (setan) nang ngalit (barita) nang dapat didangar (da’ mala’ekat) lalu di unyar oleh samburatn api nang tarang
  19. Man Kami udah ngamparatn bumi man kami paneangkatn ka’ ia gunung-gunung Sarata Kami idupatn ka’ naung sagala jukut manurut ukuran
  20. Man Kami udah nyadiatn dikoa sumber- sumber pangidupatn nto’ kaparlaluannyu, man (Kami nyiptaatn uga’) mahluk-mahluk nang buke’ kao pamare’ rajakinya
  21. Man nana’ ada sote’ pun malaintatn ka’ isi Kami lah khazanahnya;433 Kami nana’ nuruntatnnya malaintatn mang ukuran tatantu
  22. Man Kami udah nyiupatn nyaru nto’ ngawintatn434 man Kami nuruntatn ai’ ujatn dari langit, lalu Kami bare’ kao nyocok man (ai’) koa, man buke’lah kao nang nyimmpani’nya
  23. Man sungguh, Kamilah nang ngidupi’ man ngamatiatn man Kami (uga’lah) nang ngawarisi’
  24. Man sungguh, Kami ngatahui’ urakng nang de’e sanape’ kao man Kami ngatahui’ uga’ urakng nang salaka’ koa
  25. Man sabatolnya Tuhannyu, Ia lah nang nao’ ngumpuratn nyoka’koa. sungguh, Ia Mahabijaksana, Mahangatahui’
  26. Man sungguh, Kami udah nyiptaatn talino (Adam) dari tanah liat karikng nang dibare’ bontuk
  27. Man Kami udah nyiptaatn jin sanape’ (Adam) dari api nang miah angat
  28. Man (ingatlah), waktu Tuhannyu bapirman ka’ sigana mala’ekat, ”sungguh Aku mao’ nyiptaatn seko’ talino dari tanah liat karikng man lumpur itapm nang dibare’ bontuk
  29. Maka kade’ Aku udah nyampuranaan (kajadian) nya, man Aku udah nyiupatn roh (ciptaan) –Ku ka’ dalapmnya maka tunduklah kao ka’ ia mang basujud
  30. Maka basujudlah sagana mala’ekat koa samuanya basama-sama
  31. Kecuali balis, Ia bai’ ikut basama- sama sagana (mala’ekat) nang sujud koa
  32. Ia (Allah) bapirman, ”Wahe balis! Ahe sababnya kao (bai’ turut) sujud basama iaka’koa?”
  33. Ia (balis) bakata, ”Aku sakali-kali nana’ akan sujud ka’ talino nang Kita’ udah nyiptaatn dari tanah liat karikng dari lumpur itapm nang dibare’ bantuk’. ”
  34. Ia (Allah) bapirman, ”(kade’ ampakoa) kaluarlah dari saruga, karana sabatolnya kao takutuk 15. AL
  35. Man sabatolnya kutukatn koa tatap nimpa’nyu kao sampe ari kiamat
  36. Ia (balis) bakata, “Ya Tuhanku, (kade’ ampakoa) maka bare’lah pananggohan ka’ aku sampe ari (talino) dibangkitatn.”
  37. Allah bapirman, “(baiklah) maka sabatolnya kao tamasok urakng nang dibare’ pananggohan
  38. Sampai ari nang udah ditantuatn (kiamat).”
  39. Ia (balis) bakata, “Tuhanku, oleh karana Kita’ udah mutusatn bahoa’ aku sasat, aku pasti mao’ nyadiatn (kajahatan) tarasa edo’ bagi iaka’koa ka’ bumi, man aku nyasatatn iaka’koa samuanya
  40. Kacoali hamba-hamba kita’ nang tapilih ka’antara iaka’koa.”
  41. Ia (Allah) bapirman, “nian ialah jalan nang locor (nuju) ka’-Aku.”
  42. Sabatolnya kao (balis) nana’ ada kuasa ka’ hamba-hamba-Ku, kacoali iaka’ ia nang ngikuti’ kao, koalah urakng nang sasat
  43. Man sungguh, Jahanam koa batol-batol (tampat) nang udah dijanjiatn nto’ ny aka’koa (pangikut setan) samuanya
  44. (Jahanam) koa ba pintu tujuh pintu. satiap pintu (udah dinatapatn) nto’ golongan tatantu dari ia ka’koa
  45. Sabatolnya urakng nang bartaqwa koa barada dalapm saruga-saruga (taman- taman), man (di samak) mata ai’ (nang ngalir)
  46. (Allah bapirman), “Masoklah ka’ dalapm mang sejahtera man aman.”
  47. Man Kami lanyapatn sagala rasa dandam nang ada ka’ dalapm ati nya ka’koa;ia ka’ koa marasa bakamar kapala, duduk ba adap adapatn ka’atas pene-pene
  48. Iaka’koa nana’ marasa latih ka’ dalapmnya man iaka’koa nana’ akan dikaluaratn dari koa
  49. Kabari’lah ka’ hamba-hamba-Ku, bahoa’ Akulah Nang Maha Pengampun, Maha Penyayang
  50. Man sabatolnya siksaatn-Ku ialah siksaatn nang miah padih
  51. Man kabari’lah (Muhammad) ka’ ia ka’ koa tentang tamue Ibrahim (mala’ekat)
  52. Waktu ia ka’ia masok ka’ tampatnya, lalu ia ka’ia ngucapatn”salam”Ia (Ibrahim) bakata, ”Kami batol-batol marasa gali’ ka’ kao. ”
  53. (Ia ka’ia) bakata, ”Amelah kao marasa gali’, sabatolnya Kami mare’ kabar gambira karepoatn ka’ kao mang(kalahiratn seko’) anak laki-laki (nang akan manjaji) urakng nang pane (Ishak). ”
  54. Ia (Ibrahim) bakata, ”banarke’ kao mare’ kabar edo’ ka’ aku padahal omorku udah tuha, lalu (mang cara) ampahe kao mare’ (kabar gambira) koa
  55. (Iaka’koa) nyawap, ”Kami nyampeatn kabar gambira ka’ kao manang batol maka amelah kao tamasok urakng nang baputus asa. ”
  56. Ia (Ibrahim) bakata, ”nana’ ada nang baputus asa dari rahmat Tuhannya, kacoali urakng nang sasat.”
  57. Ia (Ibrahim) bakata, “Ahe ke’ urusan kita’ nang panting, wahe da’ utusan?”
  58. (Iaka’koa) nyawap, “sabatolnya kami diutus ka’ kaum nang badosa
  59. Kacoali da’ pangikut Luth. Sabatolnya kami pasti nyalamatatn iaka’koa samuanya
  60. Kacoali bininya, kami udah nantuatn, bahoa’ ia tamasok urakng nang tatinggal (basama urakng kapir lainnya). ”
  61. Maka waktu utusatn koa atakng ka’ da’ pangikut Luth
  62. Ia (Luth) bakata, ”Sabatolnya kita’ urakng nang nana’ kami kanal. ”
  63. (da’ utusatn) nyawap, ”Sabatolnya kami nian atakng ka’ kao ngincakng siksaatn nang pancah iaka’koa dustaatn 15. A
  64. Man kami atakng ka’ kao ngincakng kaban ratn man sungguh, kami urakng nang bana
  65. Maka ampuslah kao ka’ pangabisan malam barage kaluarganyu, man ikuti’lah iaka’ko dari balakang. ame ada ka’ antara kita’ nan malek ka’ tomokng man tarusi’lah pajalan ka’ tampat nang dimarentahatn ka’ kao. ”
  66. Man udah kami natapatn ka’ ia (Luth) kaputusatn koa, bahoa’ akirnya iaka’koa mao’ di tumpas abis ka’ waktu subuh
  67. Man ataknglah panduduk kota koa436 (ka’ rumah Luth) mang baparasa repo (jukut kaatangan tamu koa)
  68. Ia (Luth) bakata, ”sabatolnya Iaka’koa iala tamueku ;maka amelah kita’ matabe’i ku
  69. Man bataqwalah ka’ Allah man amelah kit manjuat aku tahina. ”
  70. (Iaka’koa) bakata, ”buke’ke’kami udah ngalarangnyu dari (ngalindungi’) talino?”
  71. Ia (Luth) bakata, ”Iaka’koa koalah nangdara-nangdara (nagari)ku (nikahlah mang iaka’koa), kade’ kao mao’ babuat. ”
  72. (Allah bapirman), Demi omornyu438 (Muhammad), sungguh, iaka’koa taromban ambing dalapm kamabokatn (kasasatatn). ”
  73. Maka iaka’koa dibinasaatn di suara karas nang a,pahe guntur, waktu mata ari mao’ tumuh
  74. maka Kami jungkirbalikatn (nagari koa) man Kami ujatni’ iaka’koa mang batu dari tanah nang karas
  75. Sungguh, ka’ nang ampakoa banar-banar tardapat tanda-tanda (kakuasaan Allah) ka urakng nang ’mamparatiatntanda-tanda
  76. Man sungguh, (nagari) koa batol-batol talatak ka’ maraga nang masih tatap (dilalu talino)
  77. Sungguh, ka’ nang ampakoa batol-batol tadapat tanda (kakuasaan Allah) bagi urak nang baiman
  78. Man sabatolnya pandnduk Aikah439 koa banar-banar kaum nang jalim
  79. Maka Kami binasaatn iaka’koa. man sabatolnya kadua (nagari)440 koa talatak ka sote’ jalur maraga aya’
  80. Man sabatolnya panduduk nagari Hijr441 banar-banar udah nustaatn rasul-rasul (iaka’koa)
  81. Man Kami udah ngatakngkatn ka’iaka’koa tanda-tanda (kakuasaan) Kami, tapi iaka’koa bai’ ngasi
  82. Man iaka’koa mahati’ rumah-rumah dari gunung batu, (didiapmi’) mang rasa aman
  83. Salaka’ koa iaka’koa dibinasaatn di suara karas nang ampahe guntur ka’ alapm ari
  84. Sahingga nana’ baguna agi’ iaka’koa, ahe nang udah iaka’koa usahaatn
  85. Man Kami nana’ nyiptaatn langit man bum sarata ahe nang ada ka’ antara kaduanya, malaintatn manang kabanaratn. Man sungguh, Kiamat pasti mao’ atakng maka ma’api’lah (iaka’koa) mang cara nang edo
  86. Sungguh, Tuhannyu, Ialah Nang Maha nyiptaatn, Maha ngatahuai’
  87. Man sungguh, Kami udah marentatn ka’ k tujuh (ayat) nang (dibaca) baulang-ulang44 man Al-Quran nang agung
  88. Amelah sakali-kali kao (Muhammad) nele’atn’ panele’atnnyu ka’ kanyamanan idup nang udah Kami barentatn ka’ sangae hegolongan ka’ antara nyaka’koa (urakng kapir), man ame kao basadih ati ka’ iaka’koa man barendah atilah kao ka’ urakng nang baiman
  89. Man batakatnlah (Muhammad), “sabatolnya aku ialah pamare’ paringatatn nang jalas.”
  90. Saampahe (Kami udah mare’ paringatatn), Kami udah nuruntatn (siksaatn) ka’ urakng nang mamilah-milah (Kitab Allah)
  91. (Iakoa)urakng-urakng446 nang udah nyajiatn Al-Quran koa tabagi-bagi
  92. Maka demi Tuhannyu, pasti Kami tanya’i’ iaka’koa samua
  93. Ka’ ahe nang udah iaka’koa karajaatn de’enya
  94. Maka sampeatnlah (Muhammad) sacara tarang-tarangan sagala ahe nang dimarentahatn (ka’ kao) man bapalinglah dari urakng nang musyrik
  95. Sabatolnya Kami miharai’ kao (Muhammad) dari (kajahatatn) urakng nang ngolo’-ngoloi’ (kao)
  96. (iakoa) urakng nang nganggap adanya Tuhan selain Allah;iaka’koa nae ngatahui’ (akibatnya)
  97. Man sungguh, Kami ngatahui’ bahoa’ dadanyu jadi sampit disababkan ahe nang iaka’koa kataatn
  98. Maka batasbihlah mang muji’i’ Tuhannyu man jadilah kao ka’ antara urakng nang basujud (shalat)
  99. Man sambahlah Tuhannyu sampe yakin (ajal) atakng ka’ kao
Prev Next