21.The Prophets

  1. Udah samakin samak ka’ talino paretongan amal nyaka’koa sadang ia ka dalapm kada’ lale (mang dunia), bapaling (dari naherat)
  2. Satiap dituruntatn ka’ talino ayat-ayat nang baru dari Tuhan, iaka’koa nangaratnnya sambil bamain-main
  3. Ati nyaka’koa dalapm kaada’an lale. Man urakng-urakng nang zalim koa ngrahasiaatn omongan nyaka’koa. ”(Urakng) nian (Muhammad) nana’ lain inggelah saurakng talino (uga’) saparati kao, Aheke’ kita’ narima’a’ (seher koa)528 padahal kita’ manyaksiatnnya?”
  4. Ia (Muhamaad) bakata, ”Tuhanku nau’an (samua) pakataatn ka’ langit man ka’ tanah ia, ia Maha Mandangar, Maha Nau’an!”
  5. Bahkan iaka’koa ngataatn”(Al-Quran koa buah) mimpi-mimpi nang Alok, ato asil rakayasanya (Muhammad), ato bahkan ia ngngan saurakng panya’ir, cobalah ia ataungan ka’ diri’ sebuah tanda (bukti), saparati halnya rasul-rasul nang diutus jaman de’e”
  6. Panduduk nagari sanape’nya ka’koa, nang udah Kami binasaatn,ia Ahe ke’ ia ka’ koa akan baimana’
  7. Man Kami nana’ mangutus (rasul-rasul) sanape kao (Muhammad), malaintatn dah basangahe manyak urakng laki-laki nang Kami bare’ wahyu ka’ iaka’koa maka tanyaanlah ka’ urakng nang bailmu, kade’ kao nana’ nau’an
  8. Man Kami nana’ nyadiatni’ nyaka’koa (rasul-rasul) tubuh nang nana’ makatn makanan, man nana’ (uga’) bisa idup kakal
  9. Laka’ koa Kami tapati’ janji (nang udah Kami janjiatn) ka’ iaka’koa. Maka Kami salamatatn iaka’koa man urakng-urakng nang Kami kahandaki, man Kami binasaatn urakng-urakng nang ngalampoi’batas
  10. Sungguh, udah Kami turuntatn ka’ ia ka’ koa sabuah kitab (al-Quran) nang ka’ dalapmnya tadapat paringatatnnto’ kita’, baginyu maka kita’ kao nana’ bangaratiatn
  11. Man dah sangahe manyak (panduduk) nagari nang zalim nang udah Kami binasaatn, man Kami jadiatn ganarasi nang lain, saudah iaka’koa (sabage panggantinya)
  12. Maka katika iaka’koa marasaatn siksa Kami, tiba-tiba iaka’koa nariatn diri’ dari (nagari) koa
  13. Amelah koa dari tagesa-gesa, mulaknglah kao ka’ kasanangan idupnyu man tampat- tampat kadimannyu (nang baik) supaya kita’ bisa diTanya
  14. Iaka’koa bakata, ”sidi cilaka kami, sungguh, kami urakng-urakng nang zalim
  15. Maka ampakoalah kaluhatn iaka’koa bakapanjangan, sahingga iaka’koa Kami jadiatn sabage tanaman nang udah panen , nang nana’ bisa idup agi’
  16. Man Kami nana’ nyiptaatn langit man ai’tanah man singana ahe nang ada ka’antara kaduanya mang main-main
  17. Sa’andenya Kami mao’ mamuata’ soatu pamainan (bini man anak), tantulah Kami mamuatnya dari sisi Kami, 529 kade Kami banar-banar mao’ babuat ampakoa. 21. AL-ANBIY
  18. Sabanarnya Kami nabakatn nang hak (kabanaratn) ka’ nang batil (nana’ banar) lalu nang hak koa ngancuratnnya, maka sakatika koa (nang batil) lanyap. Man cilaka kita’ karana kita’ madah (Allah mang sipat- sipat nang nana’ pantas nto’-Nya)
  19. Man Nu’-Nyalah ahe nang ada ka’ langit man ka’ ai’tanah, man (mala’ekat- mala’ekat) nang ka’ samak-Nya, nang nama’ marasa angkuh nto’ nyambah-Nya, man nama’ (uga’) marasa latih
  20. Iaka’koa (mala’ekat-mala’ekat) batasbih nana’ baranti-barantinya malam mao’ pun siakng
  21. Ahe ke’ iaka’koa naap tuhan-tuhan dari ai’ tanah, nang bisa ngidupatn (urakng-urakng nang udah mati)
  22. Saandenya ka’ kaduanya (ka’ langit man ka’ ai’ tanah ) ada tuhan-tuhan salain Allah, tantu kaduanya udah binasa. Maha Baraseh Allah nang ngampu’ Arsy, dari ahe nang iaka’koa sipatatn
  23. Ia (Allah) nana’ ditanya’ masalah ahe nang dikarajaatn, tatapi iaka’koalah nang nae ditanya’
  24. Ato ahe ke’ iaka’koa naap tuhan-tuhan salain Ia? Kataatnlah (Muhammad), ”padahatnlah alas an-alasannyu! (al-Quran) nian ialah paringatatn nto’ urakng nang basamaku man paringatatn nto’ urakng sanape’ku, ”tapi kamanyakatn iaka’koa nana’ nau’an nang hak (kabanaratn) karana koa ia bapaling
  25. Man Kami nana’ ngutus saurakngpun rasul sanape kao (Muhammad) malaintatn Kami wahyuatn ka’ ia, bahoa’ nana’ ada tuhan (nang arus disambah) salain Aku maka sambahlah Aku
  26. Man iaka’koa bakata, ”Tuhan nang Maha Pangasih udah majoat (mala’ekat) sabage anak, ”Maha Cuci Baraseh Ia, sabanarnya iaka’koa (da’ mala’ekat koa) ialah amba- amba nang dimuliaatn
  27. Iaka’koa nana’ bekata mandolo’i’ Nya man iaka’koa ngarajaatn parentah-parentah Nya
  28. Ia (Allah) nau’an sagala jukut nang ka’a dapatnya ka’koa (mala’ekat) man nang ka’ balakangnya iaka’koa, man Ia nana’ mare’ syafâ’ah malaintatn ka’ urakng nang diridoi’ (Allah) man iaka’koa salalu baati-ati karana gali’ ka’ Ia
  29. Man barang sae ka’ antara nyaka’koa bakata”sungguh, aku nian tuhan salain Allah, ”maka urakng koa Kami bare’ balasatn nang mang jahanam, Ampakoalah Kami mare’atn balasan ka’ urakng-urakng nang zalim
  30. Man aheke’ urakng-urakng kapir nana’ nau’an bahoa’ langit man ai’ tanah kaduanya de’e nyatu laka’ koa Kami pisahatn antara kaduanya maka Kami jadiatn sagala jukut nang idup barasal dari ai’ maka ngahe iaka’koa nana’ baiman
  31. Man Kami udah nyadiatn ka’ tanah ai’ nian gunung-gunung nang kokoh supaya ia (nana’) baguncang man iaka’koa, man Kami jadiatn (uga’)di ka’ koa maraga-maraga nang luas, supaya iaka’koa namu patunjuk
  32. Man Kami nyadiatn langit sabage atap nang tapalihara, namun iaka’koa tatap bapaling dari tanda-tanda (kabasaran Allah) koa (mata ari, bulatn, angin, rahu’, man lain- lain)
  33. Man ialah nang udah nyiptaatn malam man siakng, mata’ari man bulatn, masing-masing baedar man garis edarnya
  34. Man Kami nana’ nyadiatn idup salamanya nto’ seko’ urakng talino sanape koa (Muhammad) maka kade kao mati, ahe ke’ iaka’koa nae kakal
  35. Satiap nang banyawa akan ngarasaatn mati. Kami akan nguji kita’ mang kaburukatn, man kabaikatn sabage coba’an, man kita’ nae dipulangkatn ingge ka’ Kami ilhan
  36. Man kade urakng-urakng kapir koa nele’ kao (Muhammad) iaka’koa ngge mamuat 21. AL-ANBIY kao manjadi bahan ejekatn, (iaka’koa ngataatn), ”Ahe ke’ nian urakng nang majahat tuhan-tuhannyu?”padahal iaka’koa urakng nang ingkar ngingat Allah Nang Maha Pangasih
  37. Talino diciptaatn (basipat) ngunyayah. Nae akan Aku tele’an ka’ kita’ tanda-tanda (kakuasa’an) Ku. Maka amelah kao minta Aku nyapatatn nya
  38. Man iaka’koa bakata, ”mule’ ke’ janji koa (akan atakng), kade’ kita’ urakng nang banar?”
  39. Sa’andenya urakng kapir koa nau’an, katika iaka’koa nana’ mampu ngela’atn api naraka dari muha man balikakungnya, samintara iaka’koa. Sedang iaka’koa nana’ namu patolongan (tantulah iaka’koa nana’ minta dicapatatn)
  40. Sabanarnya (ari kiamat) koa akan atakng ka’ iaka’koa sacara tiba-tiba, lalu iaka’koa manjadi gulisah, maka iaka’koa nana’ sanggup manolaknya man nana’ (uga’) dibare’ pananggohan (waktu)
  41. Man sungguh rasul-rasul sanape’ kao (Muhammad) pun udah dipaolo’-olo’atn, maka turutnlah (siksaatn) ka’ urakng-urakng nang salalu nyamo’oh ahe (rasul- rasul) nang salalu iaka’koa paolo’-olo’atn
  42. Kataatnlah, ”saeke’ nang akan nyaga kita’ pada waktu malam man siakngari dari (siksaatn) Allah Nang Maha Pangasih?”tapi iaka’koa bai’-bai’ ngingat Tuhan Nya
  43. Ato ke’ iaka’koa mampunyai’adaba tuhan- tuhan nang bisa ngalindunga’nya ka’ koa dari (siksaatn) Kami? Tuhan-tuhan nyaka’koa nana’ sanggup nolong diri’nya bebaro sandiri man nana’ (uga’) iaka’koa ditangahi dari (siksa’atn) Kami
  44. Sabanarnya Kami udah mare’ iaka’koa manda’ ne’ moyang iaka’koa kanikmatatn (idup ka’ dunia) sampe lauso’ omor nyaka’koa maka eheke’ iaka’koa nana’ nele’ bahoa’ Kami ngatakngi’ nagari (nang barada ka’ abah kakuasa’an urakng kapir) lalu Kami kurangi luasnya dari ujukng- ujukng nagari, Aheke’ iaka’koa nang manang
  45. Kataatnlah (Muhammad), ”Sabatolnya aku ingge mare’nya paringatatn sasue mang wahyu. ”Tapi urakng bangal nana’ nangar saru’atn kade’ iaka’koa dibare paringatatn
  46. Man kade’ iaka’koa ditimpa’ saebet ihan siksaatn dari Tuhannyu, pastilah iaka’koa bakata, ” sidi cilaka kami! Sabatolnya kami tamasok urakng nang salalu nyolomi’ (diri’ babaro)”
  47. Man Kami akan masang panimbang nang tapat ka’ ari kiamat, maka nana’ seko’ urakng pun dirugiatn walo saebet, sakalipun ingge sabarat biti’ sawi, pasti Kami ngataungannya (pahala), man cukuplah Kami nang mamuat paretongan
  48. Man sungguh, Kami udah mare’atn ka’ Musa man Harun, Furqan (kitab Taurat) man panarangan sarata palajaran nto’ urakng-urakng nang bataqwa
  49. (yakoa) urakng-urakng nang gali’ ka’ (siksaatn) Tuhannya, man sakalipun iaka’koa nana’ nele’Nya, uga’ man iaka’koa marasa gali’ ka’ (kaatangan) ari kiamat
  50. Man nian (al-Quran) ialah soatu paringatatn nang babarakat nang udah Kami turuntatn. Maka ehe ke’ kao ngingkari’nya
  51. Man sungguh, sanape’ ia (Musa man Harun) udah Kami bare’atn ka’ Ibrahim patunjuk, man Kami udah ngatahui’ nya
  52. (Ingatlah), katika ia (Ibrahim) bakata ka’ apa’nya man kaumnya”patung-patung aheke’ nian nang kita’ sidi mao’ nyambahnya?”
  53. Iaka’koa nyawap, ”kami napati’ da’ ene’ moyang kami nyambahnya”
  54. Ia (Ibrahim) bakata, ”sabatolnya kita’ man ene’ moyang kita’ oa barada dalapm kasasatan nang nyata. ”
  55. Ia ka’ koa bakata, ”ahe ke’ kao atakng ka’ kami ngicakng kabanaran ato kao main- main? ”
  56. Ia (Ibrahim) nyawap, ”sabanarnya Tuhan kita’ ialah Tuhan (ampu’) langit man ai’ tanah. (Ia-lah) nang udah majoatnnya
  57. Man demi Allah, sungguh, aku akan ngalakuatn tipu daya kada’ bahala-bahala kita’ koa kade’ dah kita’ dari ningalatnnya
  58. Maka ia (Ibrahim) ngancuratn (bahala- bahala koa) ba kapikng-kapikng, kacoali nang aya’ (uwo’nya), supaya iaka’koa mulakng (nto’ batanya) ka’ ia
  59. Iaka’koa bakata, ”Sae ke’ nang ngalakuatn (pabuatan) nian ka’ tuhan-tuhan kami? Sungguh, ia tamasok urakng nang zalim. ”
  60. Iaka’koa (nang lain) bakata, ”kami nangar ada seko urakng pamuda nang ngolo’ (bahala-bahala nian) damanya Ibrahim
  61. Iaka’koa bakata, ”(kade ampakoa) icaknglah ia man tele’atnlah ka’ urakng rami, supaya iaka’koa nyaksiatnnya
  62. Iaka’koa batanya, ”kao ke’ kao nang ngalakuatn (pabuatatn) nian ka’ tuhan- tuhan kami wahe Ibrahim
  63. Ia (Ibrahim) nyawap, ”sabanarnya (patung) nang aya’ koa nang ngalakuatnnya, maka tanyaanlah ka’ iaka’koa, kade iaka’koa biasa bakata”
  64. Maka iaka’koa kambali sadar sambel bakata, ”sabatolnya kaolah nang nyoliki’i (diri’ nyu babaro)”
  65. Laka’ koa iaka’koa nundukat kapala (lalu bakata), ”kao (Ibrahim) pasti nau’an bahoa’ (bahala-bahala) koa nana’ bisa bakata. ”
  66. Ia (Ibrahim) bakata, ”ngahe kita’ koa nyambah salain Allah, jukut nang nana’ bisa mare’ manpa’at saebet pun, man nana’ (uga’) ngatangan mudarat ka’ kita’. ”
  67. Cilalakalah kita’ mang ahe nang kita’ sambah salain Allah! Nana’ ke’ kita’ babangaratiatn?”
  68. Iaka’koa bakata, ”Tunulah ia man banto tuhan-tuhan kita’, kade kita’ banar-bana mao’ babuat
  69. Kami (Allah) bapirman, ”wahe api! Jad kao dingin, man salamatlah nto’ Ibrahim
  70. Man iaka’koa mao babuat jahat ka’ Ibra maka Kami nyadiatn iaka’koa urakng- urakng nang paling rugi
  71. Man Kami salamatatn (Ibrahim) man Lu ka’ sabuah nagari nang udah Kami bara nto’ saluruh alam
  72. Man Kami marentatn ka’ ia (Ibrahim) Is man Yakub sabage soatu anugrah, man masing-masing kami jadiatn urakng nan saleh
  73. Man Kami jadiatn iaka’koa sabage pamimpin-pamimpin nang mare’ patunj mang parentah Kami, man Kami wahyu ka’ iaka’koa supaya babuat baik, ngaraj salat man mare zakat, man ingge ka’ Kamilah iaka’koa babanyambahatn
  74. Man ka’ Lut, Kami bare’atn hikmah ma ilmu, man Kami salamatatn ia dari (siks nang udah nimpa’ panduduk) kota nang ngalakuatn pabuatan na’sanonoh. 533 Sungguh, iaka’koa urakng-urakng nang jahat agi’ fâsiq
  75. Man Kami masok ia ka’ dalapm rahmat Kami, sabatolnya ia tamasok golongan urakng nang saleh
  76. Man (ingatlah gesah) Nuh, sanape kao, katika ia bado’a. Kami kabulatn (doa) n lalu Kami salamatatn ia manda’ pangiku pangikutnya dari bancana nang aya’
  77. Man Kami nolongnya dari urakng-urakn nang udah nistaatn ayat-ayat Kami. 21. AL-ANBIY Sabatolnya iaka’koa ialah urakng-urakng nang jahat, maka Kami tinggalanpatn iaka’koa samuanya
  78. Man (ingatlah gesah) Dawud man Sulaiman, katika kaduanya mare’atn kaputusan manganai’ uma, lading, karana (umanya koa) dingarusak di kambing-kambing dangannya. Man Kami nyaksiatn kaputusatn (nang dibare’atn) di nyaka’koa
  79. Maka Kami mare’atn pangaratian ka’ Sulaiman (masalah ukum nang labih tapat), 534 man ka’ masing-masing Kami bare’atn hikmah man ilmu, man Kami tundukatn gunung-gunung man burukng-burukng, samua batasbih barage man Dawud. Man Kamilah nang ngalakuatnnya
  80. Man Kami ajaratn (uga’) ka’ Dawud cara mamuat baju basi nto’nyu, guna ngalindungi’ kita’ dalapm paparangan, ahe ke’ kita’ basyukur mao’(ka’ Allah)
  81. Man (Kami tundukatn) nto’ Sulaiman angin nang miah nyarunya nang bajalatn mang parentahnya ka’ nagari nang Kami bare’ barakat ka’ ia, man Kami Maha Nau’an sagala jugut
  82. Man (Kami tundukatn uga ka’ Sulaiman) sagolongan setan-setan nang nyalapm (ka’ dalapm laut) nto’nya man iaka’koa uga’ ngarajaatn salain koa, man Kamilah nang miharanyaka’koa
  83. Man (ingatlah gesah) Ayub, katika ia bado’a ka’ Tuhannya, ”Oh Tuhank, sungguh aku udah ditimpa’ panyakit, padahal Kita’ Tuhan Nang Maha Panyayang dari samua nang panyayang. ”
  84. Maka Kami kabulatn (do’a) nya, lalu Kami lanyapatn panyakit nang ada ka’ ia, man Kami kambaliatn kaluarganya ka’ ia, man (Kami lipat gandaatn jumbalah nyaka’koa) sabage soatu rahmat dari Kami, man nto’ manjadi paringatatn ka’ samua nang nyambah Kami
  85. Man (ingatlah gesah) Ismail, Idris man Zulkifli. Iaka’koa samua tamasok urakng- urakng nang sabar
  86. Man Kami masokatn iaka’koa ka’ dalapm rahmat Kami. Sungguh, iaka’koa tamosuk urakng-urakng nang sabar
  87. Man (ingatlah gesah) Zun Nun (Yunus), katika ia ampus dalapm kaadaan bera, lalu ia nyangka bahoa’ Kami nana’ akan nyulitatnya maka ia bado’a dalapm kaada’atn nang miah galap, 535 Nana’ ada Tuhan salain Kita’, Maha Cuci Baraseh kita’.Sungguh, aku tamasok urakng-urakng nang zalim
  88. Maka Kami kabulatn (do’a) nya man Kami salamatatn ia dari kadukaatn, man ampakoalah Kami nyalamatatn urakng- urakng nang baiman
  89. Man (ingatlah gesah) Zakaria, katika ia bado’a ka’ Tuhannya, ”Oh Tuhanku, amelah kita’ biaratn aku idup babaro (katurunan) man Kita’lah ahli waris nang tabaik
  90. Maka Kami kabulatn (do’a) nya, man Kami marentatn ka’ ia Yahya, man Kami jadiatn bininya (bisa babunting). Sungguh, iaka’koa salalu capat dalapm (ngarajaatn) kabaikatn, man iaka’koa bado’a ka’ Kami mang panoh arap mangulinsah, man iaka’koa urakng- urakng nang khusyuk ka’ Kami
  91. Man (ingatlah gesah Maryam) nang malihara kahormatatnnya, lalu Kami siupatn (roh) dari Kami ka’ dalapm (tubuh) nya, Kami jadiatn ia man naknya sabage tanda (kabasaran Allah) nto’ saluruh alam
  92. Sungguh, (agama tauhid) nianlah agama kita’,, agama nang sote’, man Aku ialah Tuhannyu maka sambahlah Aku. 21. AL-AN
  93. Tatapi iaka’koa tapacah balah dalapm masalah (agama) nyaka’koa ka’ antara iaka’koa. Masing-masing (golongan koa samua) akan pulakng ka’ Kami
  94. Sae ma’an nang babuat baik, man ia baiman maka usahanya nana’ akan diingkari (di toa’-toa’atn), man sungguh, Kamilah nag nulis koa nto’nya
  95. Man nana’ mungkin bagi (panduduk) soatu nagari nang udah Kami binasaatn, bahoa’ iaka’koa nana’ akan pulakng (ka’ Kami)
  96. Sampe kade’ dah (tembok) Yakjuj man Makjuj dibukaatn man iaka’koa baturunan mang capat dari saluruh tampat nang tingi
  97. Man (kade’) janji nang banar (ari babangkit) udah samak, maka tiba-tiba mata urakng- urakng nang kapir bacolongan, (Iaka’koa bakata), ”sidi cilakanya Kami! Kami batol- batol lengah ka’ nang nian, bahkan kami batol-batol urakng nang zalim. ”
  98. Sungguh, kita’ (urakng kapir) man ahe nang kita’ sambah salain Allah, ialah bahan bakar jahanam. Kita’ (pasti) tamak ka’ dalapmnya
  99. Saandenya (bahala-bahala) koa tuhan, tantu iaka’koa nana’ akan masoki’nya (naraka). Tapi samuanya akan kakal ka’ dalapm nya
  100. Iaka’koa ngarintih man kaekeng kampak dalapmnya (naraka), man iaka’koa ka’ dalapmnya nana’ bisa nangar
  101. Sungguh, sejak de’e ka’ urakng-urakng nang udah ada (katatpatn) nang edo’ dari Kami, iaka’koa akan dijauhatn (dari naraka)
  102. Iaka’koa nana’ nangar bunyi desis (api naraka) man iaka’koa kakal dalapm (nikmati’) samua nang iaka’koa mao’i
  103. Kajutan nang miah kuat nana’ mamuat iaka’koa marasa sadih, man siganada’ mala’ekat akan nyambut iaka’koa (mang ucapatn), nianlah arinyu nang udah dijanjiatn ka’ kita’. ”
  104. (Ingatlah) pada ka’ ari nae langit Kami gulong ampahe gulong lamaratn-lamaratn karatas. Amphe uga’ Kami mulai’ majoat nang patama de’e. Ampakoalah Kami akan ngulangi’nya agi’, (soatu janji nang pasti Kami tapati. Sungguh, Kami nae akan ngalakuatunnya)
  105. Man sungguh, udah Kami tulis ka’ dalapm Zabur537 salaka’ (tatulis ka’ dalapm Az- Zikir (Lauh Mahfûz), bahoa’ ai’ tanah akan diampuni’ di amba-amba Ku nang soleh
  106. Sungguh, (ahe nang disabut) dalapm (al- Quran) nian. Batol-batol manjadi patunjuk (nang langkap) nto’ urakng-urakng nang nyambah (Allah)
  107. Man Kami nana’ ngutus kao (Muhammad) malaintatn nto’ (manjadi) rahmat nto’ saluruh alam
  108. Kataatnlah (Muhammad). ”Sungguh, ahe nang diwahyuatn ka’ aku ialah bahoa’ Tuhan nyu ialah Tuhan Nang Maha Esa. Maka ahe ke’ kita’ udah basarah diri’ (ka’ Ia)?”
  109. Maka kade’ iaka’koa bapaling. Maka kataatnlah (Muhammad)”Aku udah nyampeatn ka’ kita’ (ajaratn) nang sama (antara diri’) man aku nana’ nau’an ahe ke’ nang di aneaman ka’ kita’ koa udah samak ato masih jauh
  110. Sungguh, Ia (Allah) nau’an pakataan (nang kita’ kataatn) mang tarang-tarangan, man nau’an (uga’) ahe neang kita’ sosokatn
  111. Man Aku nana’ nau’ant, bisa jadi jukut koa cobaan nto’ kita’ man kasanangan sampe waktu nang ditantuatn
  112. Ia (Muhammad) bakata, ”Oh Tuhanku, bare’lah kaputusan nang adil. Man Tuhan kami Maha Pangasih, tampat mamohon sagala patolongan nto’ samua nang kita’ kataatn”. (Barakatnyabut) dama Allah nang Maha Pangasih, Maha Panyayang
Prev Next