22.The Pilgrimage

  1. Wahe talino! bataqwalah ka’ Tuhannyu. Sungguh, goncangan (ari) kiamat koa ialah suatu (kajadiatn) nang miah aya
  2. (Ingatlah) pada ari katika kao nele’nya (goncangan koa). Samua nang bini nang nusu’i naknya akan lale tahadap anak nang disusui’nya, man satiap nang bini nang babuntikng akan kaguguratn buntikngnya, man kao nele’ talino dalapm kaadaan mabuk, padahal sabanarnya iaka’koa nana’ mabuk, tatapi sesa Allah koa miah karas
  3. Man ka’ antara talino ada nang ba olek tentang Allah tanpa Ilmu man ingge ngikuti para setan nang miah jahat
  4. (tentang setan) telah ditatapatn bahoa’ sae nang bakawan mang ia maka ia nae nyasatatnnya, man ngicakngnya ka’ sesa naraka
  5. Wahe talino! Kade’ kao ngaraguatn (ari) kabangkitatn maka sabatolnya Kami udah nyadiatn kao dari tanah, kamudiatn dari satetek mani, kamudiatn dari sagumnpal darah, kamudiatn dari sagumpal dageng nang sampurana kajadiatnnya man nang nana’ sampurna, agar Kami jalasatn ka’ kao. Man Kami tatapatn dalapm buntikng manurut kahandak Kami sampe waktu nang udah ditantuatn, kamudiatn Kami kaluaratn kao sabage ola, kamudiatn (mang baansor- ansor) kao sampe ka’ usia dewasa, man ka’ antara kao ada nang dimatiatn man (ada uga) ka’ antara kao nang dikambaliatn sampe omor miah tuha (dah bama’) sahingga ia nana’ ngatahui agi jukut nang udah dikatahuinya. Man kao nele’ bumi nian karikng, kamudiatn kade’ dah Kami turuntatn ai (ujatn) ka’ atasnya, iduplah bumi kao man manjadi subur man numbuhatn bamacam janis pamiahn (tumbuhan) nang edo
  6. Nang ampakoa karana sungguh, Allah, ialah nang hak, man sungguh, Ialah nang ngidup- atn sagala nang udah mati, man sungguh, Ia Maha Kuasa atas sagala sasuatu
  7. Man sungguh (ari) kiamat koa pasti atakng, nana’ ada karuguatn ka’ ia, man sungguh, Allah akan mangkitatn sae pun nang ka’ dalapm subur
  8. Man ka’ antara talino ada nang baolek masalah Allah tanpa ilmu, tanpa patunjuk man tanpa kitab (wahyu) nang mare’ panarangan
  9. Sambil malingkatn lambungnya (mang congkak) nto’ nyasattatn talino dari maraga Allah. Ia namu kahinaan ka’ dunia, man pada ari kiamat Kami bare’atn ka’ ia rasa sesa naraka nang nunui’
  10. (Akan dikataatn ka’ ia), ”koa karana pabuatan nang dilakuatn dee oleh kadua kokotnyu, man Allah sakal-kali nana’ manjolimi amba-ambaNya
  11. Man ka’ antara talino ada nang manyambah Allah ingge ka’ tapi, 538 Maka kade’ ia namu kabajikatn, ia marasa puas, man kade’ ia ditimpa suatu cobaan, ia babalik ka’ balakang. 539 Ia rugi ka’ dunia man ka’ naherat. Koalah karugiatn nang Nampak
  12. Ia nyaru’ ka’ salain Allah sasuatu nang nana’ dapat ngatangan bancana man nana’ (uga) mare’ manpa’at ka’ ia. Koalah kasasatatn nang jauh
  13. Ia nyaru’ ka’ suatu (sabanarnya) bancana labih samak dari manpa’atnya. Sungguh, koa saburuk-buruk panolong man sajahat- jahat ayukng
  14. (Sungguh), Allah nae masokkatn urakng- urakng nang baiman man ngarajaatn kabajikatn ka’ dalapm saruga-saruga nang mangalir ka’ abahnya sunge-sunge. Sungguh Allah babuat ahe nang Ia mao’i
  15. Sae ma’an manyangka bahoa’ Allah nana akan manolongnya (Muhammad) ka’ dunia man ka’ naherat maka hendaklah ia marentangkatn tali ka’ langit-langit, 540 lalu ngantukng (diri’) kamudiatn pikiratnlah aheke’ tipu dayanya koa dapat ngalanyapatn ahe nang nyakitatn atinya
  16. Man ampakoalah Kami udah nuruntatn nya (al-Quran) nang marupakatn ayat-ayat nang nyata. Sabatolnya Allah mare’atn patunjuk ka’ sae nang ia kahandaki
  17. Sabatolnya urakng-urakng baiman, urakng Yahudi, urakng Sabiin, urakng Nasrani, urakng Majusi man Musyrik, Allah pasti mare’ kaputusatn ka’ antara iaka’koa pada ari Kiamat. Sungguh, Allah manjadi saksi atas sagala sasuatu
  18. Nana’ ke kao nau’an bahoa’ sae nang ada ka’ langit man sae nang ada ka’ bumi basujud ka’ Allah, uga mata ari, bulatn, bintang, gunung-gunung, puhutn-puhutn, laok-laok nang ngareap man manyak ka’ antara talino? Tatapi manyak (talino) nang pantas namu sesa. Sae ma’an dihinaatn Allah, nana’ seko urakng pun nang akan mamuliatnnya. Sungguh, Allah babuat ahe maan nang ia mao’i
  19. Nianlah dua golongan (golongan mukmin man kapir) nang batangkar iaka’koa batangkar manganai Tuhan iaka’koa maka bagi urakng kapir nae dibuatatn pakean- pakean dari api (naraka) nto’ iaka’koa ka’ atas kapala nya akan disirampatn ai’ nang ningkorak
  20. Mang (ai’ ningkorak) koa akan diancur- lolohan ahe nang ada dalapm parut man kulit iaka’koa
  21. Man (sesa) nto’ iaka’koa pamangkunkng dari basi
  22. Satiap kali iaka’koa mao kaluar darinya (naraka) karana tasiksa, iaka’koa dipulang- katn (agi’) ka’ dalapmnya. (ka’ iaka’koa dikataatn), ”Rasaatnlah sesa nang ditunu nian!”
  23. Sungguh, Allah nae masokkatn urakng- urakng nang baiman man ngarajaatn kabajikkatn ka’ dalapm surga-surga nang mangalir ka’ abahnya sunge-sunge ka’ naung iaka’koa dibare’ pahiasatn galakng- galakng amas man mutiara, man pakean iaka’koa dari sutera
  24. Mamn iaka’koa dibare’ patunjuk ka’ ucapatn-ucapatn nang edo’ man dibare’ patunjuk (uga) ka’ maraga (Allah) nang tapuji
  25. Sungguh, urakng-urakng kapir man nang ngalangi (talino) dari maraga Allah man dari Masjid al-Harâm nang udah Kami jadiatn tabuka nto’ samua talino, edo’ nang badiapm ka’ naung mao’pun nang atakng dari luar man sae maan nang bamaksut ngalakuatn kajahatatn sacara zalim ka’ dalapmnya nisca- ya akan Kami rasaatn ka’ ia saksi nang padih
  26. Man (ingatlah) katika Kami nampatatn Ibrahim ka’ tampat Baitu al-lâh (mang ngataatn), ”Amelaha kao mempasakutuatn Aku mang ahe pun man suciatnlah rumah Ku bagi urkang-urakng nang thawâf, man urakng nang baibadah man urakng nang rukuk man sujud
  27. Man saru’lah talino nto’ ngarajaatn haji, niscaya iaka’koa nae atakng ka’ kao mang bajalatn paha, ato mangandarai satiap onta nang kurus, iaka’koa atakng dari saganap panjuru nang jauh
  28. Agar iaka’koa manyaksiatn babage manpa’at nto’ iaka’koa man agar iaka’koa nyabut dama Allah ka’ sangahe ari nang udah ditantuatn541 atas rajaki nang ia bare’atn ka’ iaka’koa barupa laok idupatn. Maka makanlah sabagian darinya man (sabagian agi) bare’atnlah nto’ dimakan urakng-urakng nang sinsara man miskin
  29. Kamudiatn, hendaklah iaka’koa manghilangkatn kotoran542 (nang ada ka’ tubuh) iaka’koa manyampurnaatn nazar- nazar iaka’koa man ngalakuatn thawâf sakaliling rumah tua (Baitu al-lāh)
  30. Ampakoalah (Parentah Allah). Man sae ma’an mangagungkatn ahe nang tahormat ka’ sisi Allah (hurumat)543 maka koa labih edo’ baginya ka’ sisi Tuhannya. Man dihalalatn bagi kao samua laok idupatn, kacoali nang ditarangkatn ka’ kao (kaharamannya) maka jauhilah pakataan alok
  31. (Baibadahlah) mang putih turi (ikhlas) ka’ Allah, tanpa nyakutuatnnya. Sae ma’an nyakutuatn Allah maka saakan-akan ia jatu’ dari langit lalu disambar oleh burukng, ato ditarabangkatn angin ka’ tampat nang jauh
  32. Ampakoalah (parentah Allah), man sae ma’an mangagungkatn syi’ar-syi’ar Allah, 544 maka sabatolnya hal koa timbul dari kataqwaatn ati
  33. Bagi kao ka’ (laok hadyu)545 ada sangahe guna. 546 Sampe waktu nang ditantuatn. Kamudiatn tampat panyambalehatn ialah ka’ sakitar Baitul Atiq (Baitu al-lāh)
  34. Man bagi satiap umat udah Kami Syariatatn panyambahatn (korban), agar iaka’koa nya- but dama Allah atas rajaki nang diAllah iaka’ koa barupa laok idupatn. Maka Tuhannyu koalah Tuhan Nang Maha Esa, karana koa sarahtnlah kao ka’ Ia, man sampeatnlah (Muhammad) kabar repo ka’ urakng-urakng nang tunduk patuh (ka’ Allah)
  35. (Yakoa) urakng-urakng nang kade disabut dama Allah ati iaka’koa bagatar, urakng nang sabar atas ahe nang manimpa iaka’koa. Man urakng nang ngarajaatn salat man urakng nang nginpakkatn sabagiatn rajaki nang Kami karuniaatn ka’ iaka’koa
  36. Man onta-onta koa Kami jadiatn nto’nya sabagiatn dari syi’ar agama Allah, kao manyak namu kabaikatn ka’ Ia. Maka sabutlah dama Allah (kade’ kao mao manyambalehnya) dalapm kaadaatn badiri547 (man laki-laki udah taikat). Kamudiatn kade udah rabah (mati) maka makatnlah sabagiannya man bare’lah makatn urakng nang marasa cukup mang ahe nang ada ka’ ia (nana’ minta-minta) man urakng nang maminta. Ampakoalah Kami tundukkatn (onta-onta koa) nto’nyu, agar kao basyukur
  37. Dageng (laok kurban) man darahnya koa sakali-kali nana’ akan sampe ka’ Allah, tapi nang sampe ka’ Ia ialah kataqwaan kao. Ampakoalah Ia nundukkatnnya nto’ nyu agar kao mangagungkatn Allah atas patunjuk nang ia bare’atn ka’ kao. Man sampeatnlah kabar repo ka’ urakng-urakng nang babuat baik
  38. Sabatolnya Allah mela urakng nang baiman. Sungguh, Allah nana’ manyukai satiap urakng nang bahianat man kufur nikmat
  39. Diijintatn (baparang) bagi urakng-urakng nang diparugi’, karana sabatolnya iaka’koa dijalimi’. Man sungguh, Allah Maha Kuasa nolong iaka’koa
  40. (Ia koa) urakng-urakng nang diusir dari kampong halamannya tanpa alasan nang banar, ingge karana iaka’koa bakata, ”Tuhan Kami ialah Allah, ”saandenya Allah nana’ manolak (kaganasatn) sabagiatn talino mang sabagiatn nang lain, tantu udah dirobohatn biara-biara nasrani, gereja- gereja, rumah-rumah ibadah urakng Yahudi man Masjid-Masjid, nang ka’ dalapmnya manyak disabut dama Allah . Allah pasti akan nolong urakng nang manolong (agama) Nya. Sungguh, Allah Maha Kuat, Maha Pakasa
  41. (Yakoa) urakng-urakng nang kade’ Kami bare’ kadudukatn ka’ bumi, iaka’koa ngalaksanaatn salat, manuneatn zakat, man nyuruh babuat nang ma’ruf man mancagah dari nang mungkar, man ka’ Allah lah pulakng sagala urusan
  42. Man kade’ iaka’koa (urakng-urakng musyrik) mandustaatn kao (Muhammad), ampakoa ugalah kaum-kaum nang sanape iaka’koa Kaum Nuh, Ad, man Samud (uga udah mandustaatn rasul-rasul Nya)
  43. Man (ampakoa uga) kamu Ibrahim man kaum Luth
  44. Man panduduk madyan, man Musa (uga) udah didustaatn, namun Aku bare’ tenggang waktu ka’ urakng-urakng kapir, kamudiatn Aku sesa iaka’koa maka batapa hebatnya siksaan-Ku
  45. Maka batapa manyak nagari nang udah Kami binasaatn karana (panduduk) nya dalapm kaadaatn zalim, sahingga ruruh bangunan-bangunannya. Man (sangahe manyak uga’) sumur nang udah ditingalatn man istana nang tingi (nana’ ada panunggunya)
  46. Maka nana’ ke’ paranah iaka’koa bajalatn ka’ bumi, sahingga ati (akal) iaka’koa dapat mamahami, tarenyekng iaka’koa dapat nangar? Sabanarnya buke mata nang buta, tapi nang buta’ ialah ati nang ka’ dalapm dada
  47. Man iaka’koa minta ks’ kao (Muhammad) agar sesa koa dicapati’ padahal Allah nana’ akan manyalahi janji-Nya, man sabatolnya saari ka’ sisi Tuhannyu ialah saparati saribu tahun manurut paretongannyu
  48. Man sangahe manyak nagari nang aku tanggohatn (ngancuratn) nya, karana panduduknya babuat zalim. Kamudiatn Aku sesa iaka’koa man ingge’ ka’ Akulah sesa iaka’koa. Man ingge ka’ Akulah tampat pulakng (sagala sauatu)
  49. Kataatnlah (Muhammad), ”wahe talino sabatolnya aku (diutus) ka’ koa sebage pambare’ paringatatn nang nayat”
  50. Maka urakng-urakng nang baiman man ngarajaatn kabajikatn, iaka’koa namu ampunan man rajaki nang mulia
  51. Tapi urakng-urakng nang barusaha nantang ayat-ayat Kami ba maksud ngalamahatn (kamaoan nto’ baiman), iaka’koa ialah panghuni-panghuni naraka jahim
  52. Man Kami nan ngutus saurakng rasul man nana (uga’) saurakng nabi sanape kao (Muhammad), malaintatn kade ia mampunyai’ suatu kamaoan, 548 setan pun masokkatn godaatn-godaatn ka’ dalapm ka’inginannya koa. Tapi Allah ngilangkatn ahe nang dimasokkatn setan koa, man Allah akan nguattatn ayat-ayat-Nya, man Allah Maha Mangtahui, Maha Bijkasana
  53. Ia (Allah) ingin nyadiatn godaatn nang ditimbulatn setan koa sabage cobaan bagi urakng-urakng nang dalapm atinya ada panyakit man urakng nang baati karas, man urakng-urakng nang zalim koa banar-banar dalapm pamunsuhatn nang jauh
  54. Man agar urakng-urakng nang udah dibare’ ilmu manyakini bahoa’ (al-Quran) koa banar dari Tuhannyu lalu iaka’koa baiman man ati iaka’koa tunduk ka’ Ia. Man sungguh, Allah pambare’ patunjuk bagi urakng-urakng nang baiman ka’ maraga nang locor
  55. Man urakng-urakng kapir koa sananti’ asa ragu manganai hal koa (al-Quran), hingga saat (kamatiatnnya) atakng ka’ iaka’koa mang tiba-tiba, ato sesa ari Kiamat nang atakng ka’ iaka’koa
  56. Kakuasaatn pada ari koa ada ka’ Allah, ia mare’ kaputusatn ka’ antara iaka’koa maka urakng-urakng nang baiman man ngarajaatn kabajikatn barada dalpm saruga-saruga nang panoh ka’ nyamanan
  57. Man urakng-urakng kapir man nang mandustaatn ayat-ayat Kami maka iaka’koa akan marasaatn sesa nang manghinaatn
  58. Man urakng-urakng nang bahijrah ka’ maraga Allah, kamudiatn iaka’koa tabunuh ato mati. Sungguh, Allah akan mare’atn ka’ iaka’koa rajaki nang edo’ (Saruga), man sabatolnya Allah ialah pambare’ rajaki nang tabaik
  59. Sungguh, Ia (Allah) pasti akan masokkatn iaka’koa katampat masuk (saruga) nang iaka’koa sukai. Man sasungguhnhya Allah Maha Mangatahui, Maha Panyantun
  60. Ampakoalah, man sae ma’an mambalas saimbang mang (kazaliman) panganiayaan nang paranah ia darita kamudiatn ia dijalimi’ (agi’), pasti Allah akan manolongnya. Sungguh, Allah Maha Pamaap, Maha Pangampon
  61. Ampakoalah karana Allah (kuasa) masokkatn malapm ka’ dalapm siakng, man masokkatn siakng ka’ dalapm malapm. Man sungguh, Allah Maha Mandangar, Maha Nele’
  62. Ampakoalah (Ka’ayaatn Allah) karana Allah, Ialah (Tuhan) Nang Hak. Man ahe maan nang iaka’koa saru’ salain Ia. Koalah nang batil. Man sungguh Allah, Ialah nang Maha Tingi, Maha aya’
  63. Nana’ ke kao nele’ bahoa’ Allah nuruntatn ai’ (ujatn) dari langit, sahingga bumi manjadi ijo? Sungguh, Allah Maha Alus, Maha Mangatahui
  64. Nu’-Nyalah ahe nang ada ka’ langit mang ahe nang ada ka’ bumi, man Allah banar- banar Maha Kaya, Maha Tapuji
  65. Nana’ ke’ kao nele’ bahoa’ Allah nundukkatn baginyu (talino) ahe nang ada ka’ bumi, man kapal nang balayar ka’ lautan mang parentah- Nya. Man Ia Manahan (banda-banda) langit agar nana’ jantu’ ka’ bumi, malaintatn mang ijin-Nya? Sungguh, Allah Maha Pangasih, Maha Panyayang ka’ talino
  66. Man Ialah nang ngidupatn kao kamudiatn matiatn kao, kamudiatn ngidupatn kao agi’ (pada ari kabangkitatn). Sungguh, talino koa miah kufur nikmat
  67. Bagi satiap umat udah Kami tatapatn syariat tatantu nang (arus) iaka’koa amalatn maka nana’ sapantasnya iaka’koa babantahatn mang kao dalapm urusan (syariat) nian, man saru’lah (iaka’koa) ka’ Tuhannyu. Sungguh, kao (Muhammad) barada ka’ maraga nang locor
  68. Man kade’ iaka’koa mambantah kao maka kataatnlah, ”Allah labih nau’an ka’ ahe nang kao karajaatn
  69. Allah akan ngadili ka’ antara kao pada ari kiamat masalah ahe nang dee kao pasalisihatn
  70. Nana’ ke’ kao nau’an bahoa’ Allah ngatahui ahe nang ka’ langit man ka’ bumi? Sungguh, nang ampakoa udah tadapat dalapm sabuah kitab (Lauh-Mahfuz) sabatolnya nang ampakoa miah mudah bagi Allah
  71. Man iaka’koa manyambah salain Allah, tanpa dasar nang jalas masalah koa, man iaka’koa nana mampunyai’ pangatahuan (uga) masalah koa, bagi urakng-urakng nang zalim nana’ ada saurakng panolong pun
  72. Man kade’ dibacaatn ka’ adapatn iaka’koa ayat-ayat Kami nang tarang, niscaya kao akan nele’ (tanda-tanda) ka’ ingkaratn ka’ muha urakng-urakng kapir koa. Amper- amper iaka’koa nyarang urakng-urakng nang macaatn ayat-ayat Kami ka’ ia ka’ koa. Kataatnlah (Muhammad), ”Ahe ke’ akan aku kabaratn ka’ koa (manganai sasuatu) nang labih buruk daripada koa, (yakoa) naraka?”Allah udah ngancamnya (naraka) ka’ murakng-urakng kapir. Man (naraka koa) saburuk-buruk tampat kambali
  73. Wahe talino! Udah dipamuat suatu parumpamaan maka dangarlah! Sabatolnya sagala nang kao saru’ salain Allah nana’ dapat nyiptaatn seko’ lalat pun, walopun iaka’koa basatu nto’ nyiptaatnnya. Man kade’ lalat koa ngarampas jukut dari iaka’koa, iaka’koa nana’ akan dapat ngabutnya agi’ dari lalat koa. sama lamahnya nang manyambah man nang disambah
  74. Iaka’koa nana’ mangagungkatn Allah mang sabanar-banarnya. Sungguh, Allah Maha Kuat, Maha Pakasa
  75. Allah milih para utusatn(-Nya) dari mala’ekat man dari talino. Sabatolnya Allah Maha Mandangar, Maha Nele’
  76. Ia (Allah) mangatahui ahe nang ka’ adapatn iaka’koa man ahe nang ka’ balakang iaka’koa. Man ingge ka’ Allah dipulangkatn sagala urusatn
  77. Wahe urakng-urakng nang baiman! Rukuklah, sujudlah man sambahlah Tuhannyu, man babuatlah kabaikatn, agar kao baruntukng
  78. Man bajihadlah kao ka’ maraga Allah mang jihad nang sabanar-banarnya. Ia udah milih koa, man ia nana’ nyadiatn kapayahatn nto’nyu dalapm agama. (ikutilah) agama ene’ moyangnyu Ibrahim. Ia (Allah) udah namaatn kao urakng-urakng Muslim dari dee. Man (ampakoa uga) dalapm (al-Quran) nian. Agar Rasul (Muhammad) koa manjadi saksi atas dirinyu man agar kao samua manjadi saksi atas saganap talino. Maka karajaatnlah salat man tuneatn zakat, man basingi’i’ kuatlah ka’ Allah. Ialah palindungnyu. Ia sabaik-baik pangingu man sabaik-baik panolong
Prev Next