15.The Rock
- Alif Lam Ra lawa ngamavesi encwadi neQur’an ecacile
- Mhlawumbe labo abangakholwanga bayofisa sengathi babezinikele ngaphansi kwentando kaMvelinqangi
- Bayeke bazidlele, bazijabulise futhi babanjezelwe ithemba (elingeyilutho) ngakho-ke bazokwazi
- Futhi asizange silibhubhise idolobha ngaphandle kokuba kwakuyisimemezelo salo esaziwayo
- Asikho isizwe esingajahisa phambili isikhathi saso noma sisilibazise
- Futhi bathi, “Oh wena! Okwembulwe kuye isikhumbuzo (iQur’an) ngempela wena uyahlanya”
- Kungani ungezi kuthina nezingelosi uma kungukuthi ungomunye wabaneqiniso na
- Asizithumeli izingelosi phansi ngaphandle uma (ziza) nesijeziso futhi (abangakholwayo) angeke banikwe ithuba
- Ngempela thina sasembula isikhumbuzo (iQur’an) futhi ngempela thina singabalondolozi baso
- Futhi ngempela sathumela (izithunywa) ngaphambilini kwakho (Oh Muhammad!) phakathi kwabantu basendulo
- Futhi sasingafiki kubona isithunywa ngaphandle kokuba basenze inhlekisa
- Sikwenze kanjalo ukuba kungene ezinhliziyweni zezoni
- Abakholelwa kuyona (iQur’an) futhi ngempela sesadlula isibonelo salabo basendulo
- Futhi noma ngabe sabavulela umnyango wezulu babezoqhubeka bakhuphuke lapho
- Babezothi, “kuphela amehlo ethu abexhoshiwe kepha thina singabantu abalunjiwe.”
- Futhi ngempela sabeka izinkanyezi ezinkulu ezulwini futhi sazenza zabukeka zizinhle kwabazibonayo
- Futhi saliqaphela kubona bonke osathane abagxoshiwe (embusweni kaMvelinqangi)
- Ngaphandle kwalowo (sathane) ontshontsha ukulalela ngakho-ke ulandelwa ilangabi eligqamile
- Nomhlaba sawendlala senza kuwona izintaba ezisimeme futhi senza ukuthi kumile kuwona zonke izinto ngendlela efanele
- Futhi sanenzela kuwona izindlela zokuphila kanye nalezo (zidalwa) eningazondli (izinkomo nokunye)
- Futhi akukho lutho olungekho kepha kuthina kunokugcinwa kwako futhi angeke sikwehlisele phansi ngaphandle ngesilinganiso esaziwayo
- Futhi sathumela imimoya ukuze ivundise sabe sesinethisa imvula evela esibhakabhakeni ukuze siniphuzise yona futhi nina aniyibona abagcini bayo (imvula)
- Futhi ngempela thina siyaphilisa futhi siyabulala futhi siyizindlalifa
- Futhi ngempela siyabazi abeza kuqala kunani (izizukulwane ezafika ngaphambilini kwenu) futhi ngempela siyabazi abayoza emveni (kwalokho)
- Futhi ngempela iNkosi yakho iyobaqoqela ndawonye, ngempela yona inobuhlakani iyazi
- Futhi ngempela samdala umuntu ngobumba olomile olubhucukile oluqhamuka emhlabathini ecwelekile
- NamaJinn sawadala ngaphambilini ngamalangabi omlilo
- Futhi (khumbula) ngenkathi iNkosi yakho ithi ezingelosini ngempela mina ngingumdali womuntu ngobumba olomileyo ocubuzekile oluqhamuka emhlabathini ocwelekileyo
- Ngakho-ke kwathi lapho sengimenzile (u-Adam) ngaphefumulela umoya wami kuyena ngakho-ke ngathi yiwani nimkhothamele
- Ngakho-ke izingelosi zamkhothamela zonke
- Ngaphandle kuka-Iblis wenqaba ukuthi abe kanye nabakhothamayo
- (UMvelinqangi) wathi, “Oh Iblis! kwenzenjani ngawe ukuthi ungabi kanye nabakhothamayo na?”
- Wathi (u-Iblis) “angeke ngikwazi ukukhothamela umuntu owamdala ngobumba olucubuzekileyo oluphuma emhlabathini ocwelekileyo”
- Wathi (uMvelinqangi) phuma kulona (izulu) ngakho-ke ngempela wena ungogxoshiweyo (embusweni wezulu)
- Futhi ngempela phezu kwakho kunesiqalekiso kuze kube ilanga lokuvuka kwabafileyo.”
- (U-Iblis) wathi, “Nkosi yami nginike ithuba kuze kube usuku lokuvuswa kwabafileyo”
- Wathi (uMvelinqangi) ngempela wena ungomunye wabanikwe ithuba
- Kuze kube usuku lwesikhathi esiqokiwe
- (U-Iblis) wathi, “Nkosi yami ngokuba ungidukisile ngempela ngizokwenza (ukona) kubukeke kukuhle kubona (abantu) emhlabeni futhi ngempela ngizobadukisa bonke.”
- Ngaphandle kwezinceku zakho (eziholiwe) phakathi kwabo
- Wathi “lena indlela yami eqondile (elungileyo).”
- Ngempela ezincekwini zami awunagunya phezu kwazo ngaphandle kwalezo ezikulandelayo ezidukileyo
- Futhi ngempela isihogo siyisithembiso sabo bonke (labo abalandela u-Iblis)
- Sinamasango ayisikhombisa isango nesango lalawomasango kunengxenye (yezoni) ebekiwe (kulona)
- Ngempela abenza okulungileyo bayohlala ezivandeni nasemithonjeni yamanzi
- (Kuyothiwa kubona), “Ngenani kusona (isivande) ngokuthula niphephile”
- Futhi siyosusa konke okusezifubeni zabo okubi okuyinzondo bahlale njengabazalwane ezihlalweni eziqhwakele ezibhekene
- Angeke kubathinte ukukhathazeka khona lapho (esivandeni) futhi bona angeke bakhishwe kusona
- Zitshele izinceku zami ukuthi mina ngiyathethelela nginesihawu
- Nokuthi isijeziso sami siyisijeziso esibuhlungu
- Futhi batshele ngezivakashi zika-Abrahamu
- Khumbula ngenkathi zingena kuyena ngakho-ke zathi, “ukuthula” yena wathi “ngempela siyanesaba”
- Izivakashi (izingelosi) zathi, “ungesabi ngempela thina sikulethela izindaba ezimnandi zomfana onolwazi.”
- Wathi (u-Abrahamu), “Ngakube ningilethele izindaba ezimnandi kulapho sengificwe ukukhula (ukuguga) ningitshela izindaba ezimnandi ngani na
- Zathi (izingelosi) sikulethele izindabaezimnandingokweqiniso ngakho-ke ungabi ngomunye wabalahlekelwe yithemba
- Wathi (u-Abrahamu) “ngubani ongalahlekelwa yithemba lomusa weNkosi yakhe ngaphandle kwabadukileyo na?”
- (U-Abrahamu waphinde) wathi “nizokwenzani (lapha) Oh! Nina! zithunywa na?”
- Zathi (izingelosi), “ngempela thina sithunywe ebantwini abayizoni.”
- Ngaphandle komndeni kaLothi ngempela sizobasindisa bonke (ekubhujisweni)
- Ngaphandle konkosikazi wakhe esimthatha njengokuthi ngempela yena ungomunye wabasalela ngemumva
- Ngakho-ke kwathi lapho sezifika izithunywa ebantwini baLothi
- Wathi “ngempela nina ningabantu abangaziwa”
- Zathi, (izithunywa) “Qhabo size lapha kuwena nalokho abangabaza ngakho”
- Futhi size kuwena neqiniso, ngempela thina singabaneqiniso
- Ngakho-ke hamba nomndeni wakho ngengxenye yobusuku futhi ubalandele ngemumva futhi kungabi khona ngisho noyedwa wenu ozobheka ngemumva futhi niye lapho eniphoqwe ukuya khona
- Futhi salwenza lwazeka kuyena lelo daba ukuthi izimpande zalaba (abayizoni) zizonqunywa ekuseni
- Futhi abantu bedolobha bafika begcwele injabulo
- Wathi “ngempela lezi izihambeli zami ngakho-ke ningangihlazi.”
- Futhi sabani uMvelinqangi futhi ningangihlazi
- Bathi (abantu baLothi) “asizange yini sikwenqabele (ekungeniseni) abantu na?”
- Wathi (uLothi) “lawa ngamadodakazi ami uma nina ningabenzi (bokuhle).”
- (Isifungo) ngempilo yakho! Ngempela bona badideke umqondo bayaphuphutheka njengezimpumputhe
- Ngakho-ke bathathwa ukukhala (umsindo) owesabekayo ngesikhathi sokuphuma kwelanga
- Ngakho-ke (idolobha lase-Sodom) saligumbuqela phansi futhi sanethisa phezu kwabo amatshe obumba olugazingiwe
- Ngempela kulokhu kunezimpawu kulabo ababonayo
- Futhi ngempela lona (idolobha laseSodom) lalisemgaqweni omkhulu
- Ngempela kulokho kunophawu kubantu abakholwayo
- Futhi izihlali zasehlathini (abantu baseMidyan) ngempela babengalungile
- Ngakho-ke saziphindisela kubona futhi ngempela wona womabili (amadolobha) asemgaqweni osobala
- Futhi ngempela izihlali zase-Hijr zaziphika izithunywa
- Futhi sabanikeza izimpawu zethu kepha abazinakanga (bazifulathela)
- Futhi babeqopha izintaba ukuze bakhe izindlu (bazizwe) bephephile
- Ngakho-ke umsindo owesabekayo wabathatha ngesikhathi sasekuseni
- Ngakho-ke akubazuzelanga lutho lokho ababekusebenzela
- Futhi asizange siwadale amazulu nomhlaba kanye nakho konke okuphakathi kwako kokubili ngaphandle kweqiniso futhi ngempela ihora liyeza ngakho-ke thethelela ngentethelelo emnene
- Ngempela iNkosi yakho ingumdali (wamazulu nomhlaba) iyisazi
- Futhi ngempela sikunikezile (amavesi) ayisikhombisa aphindaphindiwe (Surah Fatiha) kanye neQur’an enkulu (engcwele)
- Ungaphonsi amehlo akho kulokho esikuphe abanye phakathi kwabo njengesipho ukuze bazitike ngakho futhi ungabi lusizi ngabo yehlisela amaphiko akho (umusa wakho) phezu kwabakholwayo
- Futhi uthi, “ngempela mina ngingumxwayisi ogqamile”
- Njengoba sehlisa phezu kwalabo ababehlukanisa
- Labo abenza iQur’an ukuthi ibe izingxenye
- Ngakho-ke ngifunga ngeNkosi yakho! Siyobabuza bonke ndawonye
- Mayelana nalokho ababekwenza
- Ngakho-ke memezela ngokusobala ngalokho ophoqwe ngakho futhi uqhelelane nabakhonzi bezithixo
- Ngempela thina sikwenele ukubhekana nabenza inhlekisa
- Labo abenza omunye unkulunkulu (isithixo) basihlanganise noMvelinqangi ngakho-ke bayokwazi
- Futhi ngempela siyazi ukuthi wena siyacinana isifuba sakho ngenxa yalokho abakushoyo
- Ngakho-ke dumisa udumo lweNkosi yakho futhi ube ngomunye wabazithobayo
- Futhi khonza iNkosi yakho kuze kube ufikelwe isiqiniseko (ukufa)